39/138-

"होई सके तां फिरी औणा कलाम"

जहान सारा करदा सलाम
प्रणाम मेरा कबूल हो कलाम

भोलापन टपके चेहरे ते
हाखीं सुपने सम्पन देशे दे
होठां च वेहतरी दा पैगाम
जहान सारा करदा सलाम
प्रणाम मेरा कबूल हो कलाम

देशे ताईं मिसाइल बणाणा
लोकां दे दिलां उतरी जाणा
रोये तुसां जो इनसान तमाम
जहान सारा करदा सलाम
प्रणाम मेरा कबूल हो कलाम

गरीब पर थे भारत रतन
पढ़ना पढ़ाना अनथक जतन
वणी लोक राष्ट्रपति किता नाम
जहान सारा करदा सलाम
प्रणाम मेरा कबूल हो कलाम

जेहड़े देशे दी शान वधान्दे
सैह मसीहे रोज रोज नी आंदे
होई सके तां फिरी औणा कलाम
जहान सारा करदा सलाम
प्रणाम मेरा कबूल हो कलाम