31/133-

नोंआ महाभारत जितणा

हिलणा तुफाना दा ख्याल रखणा पोणा
नींआं मज़बूत होंगियां तांही कंधां खड़ोणा
मते कम मित्रो अजहें वाकी हन करने जो
नोईयां नसलां जो कमर कसणा पोणा

इतनी वी खसंखड़ी नी होंदी जिंदगानी
हर कुसी जो ज़रूर इक मौका मिलदा
डुवकी लगाई मंझधार कोई तोपी लेंदा
छंगोई ने वैठी करी कोई किनारे टुलदा

पढ़ाईयां दे टैमे जेहड़े मजेयां मारदे
जिंदगी भर तिन्हा जो मजे नी मिलदे
धकयां खायी खायी करी थकी जांदे
सारे दिखियो सुपने मिठिया च रुलदे

बीयर भिस्की दिया लौली कजो रुड़णा
नशेयां दियां डुघियां आलीं कजो डुवणा
अम्मा वापुए दियां मीदां मगज़ें रखणियां
वे वक़तें इशकां दे दरियां कजो  कुदणा

तपस्या करी अर्जुनें दिव्य अस्त्र थे पाये
सोची समझी दिखी सुणी मौके पर चलाये
विद्या दे अस्त्र हासिल करी अँधेरा मिटणा
उठी खड़ोआ इक नोंआ महाभारत जितणा