*32/115-

शहीदां जो सलाम

लुटांदे देश दी खातिर जान
शहीदां जो करोड़ों सलाम

घरें सोंदे लोक होई नफिक्रे
सरहदां पर जागदे जवान
असां जींदे पूरी जिंदगानियां
वेवक़्त प्राण त्यागदे जवान

पहाड़ डरौने नदी नाले लँघदे
बर्फीली चादरां'च रेलदे जवान
बरखा सर्दी गर्मी अंधड़ तूफान
हसदे खेलदे सव झेलदे जवान

हिलण बाढ़ चाहे आये सुनामी
जाई तुरन्त संभाल लेंदे जवान
दूजेयां दी जान वचाने खातिर
जानीं अपनियां गवान्दे जवान

लिपटी ने तिरंगे दी शान बधांदे
शहीद घरें आई रुलान्दे जवान
छड़ी करी अपणेयां बेसहारा
दुनियां जो छडी जांदे जवान

चार दिन करी शौक सलाम
लोकां जो भुली जांदे जवान
परिवारां जो नी कोई पुछदा
कदी कमार याद आंदे जवान

जेहडी शहीदां जो भूली जांदी
वीर नी हुंदे उसा कौमा दे जवान
जिथु रुलदे शहीदां दे सगे अपणे
उसा धरती'च नी पैदा हुंदे जवान

लुटांदे देश दी खातिर जान
शहीदां जो करोड़ों सलाम