29/131-

पहलें जाणी बुझी धोखा खाणे दा चा
फिरी पिछे ते लोकां जो रडाणे दा चा

चोर  चोरियां  छड्डे  हेराफेरियां नी
जांणदे फिरी भी हक  गुआणे दा चा

खरा भला पता हुंदा ये झूठे लारे हन
कैंहनी मुकदा अप्पु जो ठगाणे दा चा

भले दिनां दी गल सैह अप्पू ताईं करदे
सांजो दिने दिहाड़ें सुपने सजाणे दा चा

चतर चालां दा चक्कर होंदा लाजवाव
तिन्हा दा ये लोकां जो भरमाणे दा चा

जाणदे सारे हर वारी ऐहडा ही होंदा
नी मुकदा  वार वार अजमाणे दा चा

ठगणा  ठगौणा 'भगत' रोकणा पोणा
चला पालदे कुछ नोआं कमाणे दा चा