24/126-

उम्मीदां दे कुछ साह अजहें वाकी हन
मित्रां ने मिलने दे चा अजहें वाकी हन

-----वक़तें  वदले सारे  नशाण पुराणे
-----हुण कुसजो  किहियां कुण जाणे
-----दिल ही है जेहड़ा दिले जो पछाणे
-----मेरे खैरख्वाह  अजहें  वाकी  हण

उम्मीदां दे कुछ साह अजहें वाकी हन
मित्रां ने मिलने दे चा अजहें वाकी हन

-----हुण  मिलणा मुमकिन हो  के  नी हो
-----वागें फुल मुड़ी खिलना हो के नी हो
-----निस्तार तिन्हा भुलां दा हो के नी हो
-----बिन माफे मेरे गुनाह अजहें वाकी हन

उम्मीदां दे कुछ साह अजहें वाकी हन
मित्रां ने मिलने दे चा अजहें वाकी हन

-----सच्चे मने सोचा तां सैह होई जांदा
-----कुथी न कुथी अपणा टकरोई जांदा
-----नशान रैंहदा पर जख्म भरोई जांदा
-----होंसला वधाणे वाले अजहें वाकी हन

उम्मीदां दे कुछ साह अजहें वाकी हन
मित्रां ने मिलने दे चा अजहें वाकी हन