27/129-

निआंयें दिया देविया हाखीं धूडां जमियां
मकदमेयां दीं उमरां, माहणुआं ते लमियां

बणी के कठपुतली पैसे अगें नचदा कनून
गरीबां दियां उम्मीदां दियां साहां थमियां

खूब मौके मिलदे गवाह घडने मिटाणे तांईँ
बरी होंदे पापी करी सबूतां दियां कमियां

लोकां दे तंत्रा दे थम कमजोर लग्गे होणा
जे ढही गै फिरी क्या खुशियां क्या गमियां

भगत उठी खड़ो अपू वाहजी कुण दिखगा
मने देयां फिकरां कने हाखीं दियां नमियां