22/124-

हवाई मैहलां विच रहणा छड़ीता
चोरां चलाकां कने वैहणा छड़ीता

भुल मिंजो ते वस इतनी कि होई
तिन्हा दिया जाती दा धर्म दसीता

सुणीने बरके पुराणिया डायरिये दे
सैह रोई पै पता नी मैं क्या पढीता

वाहजी वजहें रूसणा जचदा नी
तांहीतां असां हुण मनाणा छडीता

दूये दे घड़े छैल हाखीं दे कसीदे पढ़े
तेरी हाखीं दे नजारें जकीन करीता

चोर चौकड़ी चिटे कपड़े कम काले
कसूर अपणा दुइये दे सिरें मढ़ीता

पाली पोशी ने प्यारे दा पुराणा बूटा
कजो तिन्हा घड़िया भरा 'च वढीता

तिनका तूली जोड़ी आल्लाह वनाया
सैह वक़्त जे आया ता वाहर कढ़ीता

दो वोल मीठे सुनाणे ते नी कुछ जांदा
दन्दा 'च पीड़ा दा कजो वहाना घड़ीता