13/96-

छुपी   छुपाई   ने  कजो  दिखदे,
हाखीं  चार  करणा  खरा  होंदा।

असां   पखले  नी,  मत  घवरांदे,
लाईयां    सैह,    खूब   निभांदे।
घुटी   घुटी   करी   ने  जीणे  ते,
इको  बार  मरणा   खरा  होंदा।

चुप रिहा  पर  हाखीं  वोलदियां,
घवरांदियां   सासां   डोलदियां।
दिले  दियां दिले  विच  रखणे ते,
तां  गुवार   कढणा  खरा  होंदा।

छड़ेयां  दा  भला   जीवण  क्या, 
गुमसुम  रहे  सैह जोवण  क्या।
'भगत' तिन्हा जो कुण समझाये, 
जे  प्यार  करणा   खरा   होंदा।

लुकी   लुकाई  ने  कजो  दिखदे,
हाखीं  चार  करणा  खरा  होंदा।