06/55-

( 70 के दशक में हमारे पहाड़ी गाँवों में पानी के लिए आज की तरह नलों की व्यवस्था नहीं थी। औरतें  गाँव की सांझी  बौड़ी (बाबड़ी) से पानी के मटके भर अपने सिर पर रख कर घर लातीं थीं। उसी पर उस समय पहाड़ी/कांगड़ी में लिखी गयी एक रचना।)

मिली जुली करी
तिन चार जणियां
सिरे पर घड़ा रखी
हौलें हौलें जांदियां
ग्रायें दिया वायीं वखी

मिठियां मिठियां गलां
अखें वखें दिखी सुनी
हौलें हौलें करदियाN
महातड़ भाई सुणी नी लैण
मनें मनें डरदियां

कुसी छोरुये दिखी
बिहोतियां झटपट
झुण्ड पायी लैंदियां
गुमसुम होई छोरियां
नज़रां झुकाई लैदियां

तिदो दिखी 'सतो' वोलदी
ज़ाहलु सैह अगें तुरी जांदा
'तैं झुण्ड कजो पाया भावी
ये तां मुइये भगत था
वड़ा शरीफ कहांदा
मौआ कुर्सी ने नी गळांदा'

बायीं पर आई सारियां
हथ मुहं धोई करी
वारी वारी घड़ा भरदियां
कने घड़ियां जो होलें होलें
मणि पर धरदियां

मारी के लचाका
घड़ा सिरे पर धरी
घरे वखी चलदियां
चुनियां जो ठीक करी
मिठियां मिठियां गलां करदियां

महातड़ सोचदे भला
सैह क्या गलां करदियां
जेहड़ियां दुये जो
सुनाणे  ते डरदियां