10/80-

दस भला किहियां करि जीणा

दिले'च तड़फड़ियां
अरमाना दियां लाशां
सुपने रुसी गै
छड़ी गईयां आसां
निराशा दा ज़हर कितना पीणा
दस भला किहियां करि जीणा

वगदा पाणी कंढियां कने
नित नित नी मिलदा
मुरझायी जांदा जेहड़ा फुल
मुडी करि नी खिलदा
भौंरे भी तिदो मारदे मीहणा
दस भला किहियां करि जीणा

वितियां भूलां पर
औ मना तू कजो रौंदा
गुजरेहा वेला
नी नित नित औंदा
फटेया थैलू कितने वरि सीणा
दस भला किहियां करि जीणा

(13/09/1976)