103/214-

-------  बौड़ियां   ---------

वसदियां वखें  वणियां  बौड़ियां।    
पत्थरां   घड़ी  चिणियां  बौड़ियां।    
अजकल कितणी की वची रहियां,    
सैह  हुण कुनी  गिणियां वौडियां।      

          सारेयां  थीं  संभालदियां बौड़ियां।      
          मने  दे  मैलां उगालदियां बौड़ियां।      
          सिरें कदी कमरें घड़ा रखी ओंदियां,      
          गौरियां अज बी निहालदियां बौड़ियां।

खरी बुरी खबरां दी जगह बौड़ियां।
सुलह सफाईयां दी वज़ह बौड़ियां।
पुछ  पछैण  हालचाल गिले शिकबे,    
चुगलियां नालसियां कलह बौड़ियां।  

          हुण  मुकणे जो आईयां बौड़ियां।    
          कूड़ें  कचडें   भरोईंयां  बौड़ियां।  
          गुज़रे ज़माने दी चीजां वणी अज,    
          लमी  ढां  पाई  रोईयां  बौड़ियां।