73/171-

असां  दी  पहाड़ी  फलदी  फुलदी  रैहे
ठंडी  होआ  पहाडां   विच  झुलदी  रैहे

पिड्डे बनण पायी असां गला नी घुटणा
व्यर्थियां बेड़ियां वह्नि जिंहड़ा नी पुटणा
पावन्दियां  लायी  तां  तोलिया  मुकणा
वांझ   वणी   के  बैठी   नी  टुलदी  रैहे
असां  दी   पहाड़ी  फलदी  फुलदी  रैहे
ठंडी  होआ  पहाडां   विच  झुलदी  रैहे

लचीले   पेड़   तूफान  मज़े  ने   झेलण
सख्त रुख  कुड़की  ने धरती पर रेलण
होर  भाखां दे  अखऱ  पहाड़ां च खेलण
नोयां   शब्दां   दी   खान   खुलदी  रैहे
असां  दी   पहाड़ी  फलदी  फुलदी  रैहे
ठंडी  होआ  पहाडां   विच  झुलदी  रैहे

होर भाखां सिखणियां, भुलणी नी अपणी
मिठियां  भाखां'च भाखा पहाड़ी अपणी
अंग्रेजी  स्कूलां'च  पढ़ी  संभाली रखणी
कदी   होई   अनाथ   नी   रुलदी   रैहे
असां  दी   पहाड़ी  फलदी  फुलदी  रैहे
ठंडी  होआ  पहाडां   विच  झुलदी  रैहे