93/200-

तेरे   रूपे  दा  खिचाब, अज़  बी सैओ,  
छैल  बजूदे  दा  शबाव, अज़  बी सैओ।  

सुपने  दिखे   मिलीजुली  पूरे  बी  किते,    
धुन  सजाणे तांईं  ख़ाव, अज़ बी सैओ।    

बेरहम  वक़्त कदी कुसजो माफ करदा?
तेरे  चेहरे  च  रुआब,  अज़  बी  सैओ।      

इकी  टोकरुये  च  बरतण  बड़जोंदे बी,    
रुसी मनाणे  दे  हिसाव, अज़ बी सैओ।

इकी  दूजे  दा  ख्याल  लिहाज़  रखेया,
नियम कायदे दी कताब, अज़ बी सैओ।

बांके    मिलाये   संजोग   उपरा   वालें,    
किसमत भागां दा जुड़ाव, अज़ बी सैओ।  

भगत  अगे  पिछें  घुमदे  जो  उम्र बीती,        
तेरे   गोलमोल  जबाव,  अज़  बी सैओ।